ប្រែសម្រួល៖ សហការី
Snazzy new liveries បានបង្ហាញគម្រោងរចនាបទយន្តហោះចំនួនពីរប្រភេទរបស់ NASA ។ យន្តហោះទាំងនេះជាប្រភេទជំនាន់ក្រោយសម្រាប់ការហោះហើរប្រកបដោយសុវត្តិភាពនិងថែមទាំងមានផាសុកភាពក្នុងពេលធ្វើដំណើរ។
យន្តហោះទីមួយគឺប្រភេទ X-66A ដែល NASA បាននិងកំពុងរចនាឡើងជាមួយ Boeing ដែលជាផ្នែកមួយនៃគម្រោង Sustainable Flight Demonsធ្វើtrator។ ស្ថានីយយានអវកាសអាម៉េរិកផ្តោតគោលដៅសាងសង់សាកល្បងសម្រាប់ការហោះហើរលើច្រកផ្លូវតែមួយដើម្បីកាត់បន្ថយការបំភាយឧស្ម័ននៅមុនចុងទសវត្សរ៍។យន្តហោះ X-66A គឺជាយានប្រតិកម្មដែលនឹងប្រតិបត្តិការគ្រប់យ៉ាងទាំងអស់។
“NASA បានជ្រើសយកក្រុមហ៊ុន Boeing ជាគោលដៅក្នុងភាពជាដៃគូលើការកសាងយានយន្ត និងការហោះហើរសាកល្បងយានប្រតិកម្មយ៉ាងពេញលក្ខណៈ និងជួយជម្រុញក្រុមហ៊ុនអាកាសចរណ៍ពាណិជ្ជកម្មកាន់តែសន្សំសំចៃប្រេងនាពេលអនាគតជាមួយនឹងអត្ថប្រយោជន៍រក្សាបរិស្ថានលើវិស័យឧស្សាហកម្មអាកាសចរណ៍ពាណិជ្ជកម្មក្នុងការផ្តល់សេវាជូនអ្នកដំណើរនៅទូទាំងពិភពលោក” ។ អ្នកគ្រប់គ្រង Bill Nelson បានបញ្ជាក់នៅក្នុងសេចក្តីថ្លែងការណ៍មួយកាលពីខែមករាថា “ប្រសិនបើយើងសម្រេចបានជោគជ័យនោះយើងនឹងឃើញបច្ចេកវិទ្យាទាំងនេះបំពាក់នៅក្នុងយន្តហោះដែលបំរើដល់សាធារណជននៅក្នុងទសវត្សរ៍ឆ្នាំ ២០៣០”។
យោងតាមទីភ្នាក់ងារបានឲ្យដឹងថា ការរចនាដែល NASA និង Boeing កំពុងអនុវត្តអាចកាត់បន្ថយការប្រើប្រាស់ឥន្ធនៈ និងការបំភាយឧស្ម័នបានរហូតដល់ ៣០% បើធៀបនឹងយន្តហោះនៅក្នុងពេលបច្ចុប្បន្ននេះ។
គេហៅវាថាជាគំនិត Transonic Truss-Braced Wing ដែលមានស្លាបស្តើងលាតសន្ធឹងសម្រាប់ទ្រលំនឹងលើអង្កត់ទ្រូងដែលមានភ្ជាប់រវាងស្លាបយន្តហោះទៅនឹងតួរបស់យន្តហោះ។ រូបរាងនៃការរចនាបង្កើតទំនាញតិចមានន័យថាវាមិនសូវស៊ីសាំងនោះទេ។
សេរីថ្មីត្រូវបានដាក់តាំងនៅ EAA AirVenture Oshkosh ដែលមានតួពណ៌សជាមួយនឹងកន្ទុយឆ្នូតពណ៌ខៀវ ពណ៌ទឹកក្រូច និងក្រហម។
“យន្តហោះសាកល្បងដើម្បីពិសោធន៏”
អ្នកគ្រប់គ្រងរងរបស់កម្មវិធី NASA សម្រាប់នាយកដ្ឋានបេសកកម្មស្រាវជ្រាវអាកាសចរណ៍ លោក Bob Pearce បាននិយាយកាលពីខែមករាថា “វាជាយន្តហោះសម្រាប់សាកល្បង” ។ “នេះមិនមែនជាការអភិវឌ្ឍន៍ពាណិជ្ជកម្មសម្រាប់អ្នកដំណើរហោះហើរក្នុងថ្ងៃនេះទេ។ ពីព្រោះវាជាបច្ចេកវិទ្យាដែលមានហានិភ័យខ្ពស់។ យើងកំពុងព្យាយាមធ្វើឲ្យមានសុពលភាពសុវត្តិភាពផ្នែកបច្ចេកវិទ្យា” ។
ការហោះហើរសាកល្បងដើម្បីដកពិសោធនជាលើកដំបូងគ្រោងនឹងអនុវត្តនៅក្នុងឆ្នាំ ២០២៨។ NASA សង្ឃឹមថានៅថ្ងៃណាមួយ បច្ចេកវិទ្យានេះគួរតែបម្រើដល់ទីផ្សារពាណិជ្ជកម្ម តាមរយៈយន្តហោះទោលរត់លើផ្លូវខ្លី។
ក្រុមហ៊ុនអាកាសចរណ៍ភាគច្រើននឹងប្រើប្រាស់យន្តហោះលើច្រកផ្លូវតែមួយ ដែលកាត់បន្ថយការបំភាយលើអាកាសបានជិតពាក់កណ្តាលនៅជុំវិញពិភពលោក នេះបើយោងតាមការបញ្ជាក់របស់អង្គការ NASA ។ ក្រុមហ៊ុន Boeing បានប្រមើលមើលឃើញថា តម្រូវការយន្តហោះថ្មីសម្រាប់ច្រកផ្លូវតែមួយ នឹងកើនឡើងចំនួនដល់ ៤០,០០០ យន្តហោះនៅចន្លោះឆ្នាំ ២០៣៥និង២០៥០ ។
លោក Nelson បាននិយាយថា គោលដៅបច្ចេកវិទ្យាគឺផ្តោតលើការបម្រើទីផ្សារពាណិជ្ជកម្មប្រហែល ជាង ៥០% តាមរយៈយន្តហោះរត់ផ្លូវខ្លីលើផ្លូវតែមួយជាមធ្យម។
យន្តហោះផ្សេងទៀតដែលនឹងទទួលបានការរចនារាងថ្មីនោះគឺយន្តហោះអគ្គិសនីកូនកាត់ដែល GE Aerospace និង magniX កំពុងអភិវឌ្ឍវាជាផ្នែកមួយនៃគម្រោង Electrified Powertrain Flight Demonstration (EFPD) របស់ NASA ។
គម្រោងមានគោលដៅធ្វើឲ្យយន្តហោះដើរដោយថាមពលអគ្គិសនីជំនាន់ថ្មី។ NASA កំពុងសហការជាមួយដៃគូឧស្សាហកម្មលើបច្ចេកវិទ្យាថ្មីៗ រួមទាំងម៉ូទ័រ អេឡិចត្រូនិច និងសម្ភារដែលស្រាលជាងមុន និងមានប្រសិទ្ធភាពជាងមុន ដែលអាចជួយកែលម្អប្រសិទ្ធភាពឥន្ធនៈដើម្បីជួយកាត់បន្ថយការបំភាយឧស្ម័ន។
ការធ្វើតេស្តហោះហើរបន្ថែមទៀតនឹងចាប់ផ្តើម
បច្ចេកវិទ្យាទាំងនេះនឹងត្រូវបានគេសាកល្បងដើម្បីដកពិសោធលើយន្តហោះដែលមានស្រាប់ក្រោយពីបានកែប្រែរួចរាល់។រថយន្ត Saab 340B ដែលមានពណ៌ស និងខៀវ ប្រើសម្រាប់ហោះហើរលើដី និងសាកល្បងលើរថភ្លើងអគ្គិសនីកូនកាត់ដែលមានថាមពលកម្រិតមេហ្គាវ៉ាត់កំពុងត្រូវបានបង្កើតឡើងដោយក្រុមហ៊ុន GE Aerospace។ NASA និយាយថា ការហោះហើរនឹងធ្វើឡើងនៅពាក់កណ្តាលទសវត្សរ៍នេះ។
យន្តហោះ DeHavilland “Dash 7” ដែលត្រូវបានកែប្រែ ដែលមានពណ៌ក្រហម និងស គឺជាកន្លែងសម្រាប់រថភ្លើងកូនកាត់របស់ MagniX ហើយវាកំពុងចាប់ដៃគូជាមួយ AeroTEC និង Air Tindi នៅលើជើងហោះហើរសាកល្បង។
គេសង្ឃឹមថាគម្រោងនេះនៅទីបំផុតនឹងផ្តល់អត្ថប្រយោជន៍ដល់យន្តហោះធុនខ្លីប្រភេទ Turboprop ដែលផ្ទុកអ្នកដំណើរពី ៣០ ទៅ ៧០ នាក់ ក៏ដូចជាក្រុមហ៊ុនអាកាសចរណ៍ពាណិជ្ជកម្មច្រកផ្លូវតែមួយក្នុងតំបន់ដែលផ្ទុកអ្នកដំណើររហូតដល់ ១៨០ នាក់។
NASA និយាយថា ខ្លួនគ្រោងនឹងប្រតិបត្តការហោះហើរយ៉ាងហោចណាស់ពីរក្នុងរយៈពេល ៥ ឆ្នាំខាងមុខ ដូច្នេះបច្ចេកវិទ្យាថ្មីអាចត្រូវបានណែនាំជាពាណិជ្ជកម្មនៅសហរដ្ឋអាមេរិកនៅចន្លោះឆ្នាំ ២០៣០ និង ២០៣៥ ៕
ប្រភព៖ CNN